لما شوفت نور عينيكى و ابتسمت ليه الحياة
خوفت امسك فى يوم ايديكى والشوق يخدنى لمداه
وارجع أعيش فى حياتى وحدى ومن جديد ادوق الآه
ضحكت ليه عنيكى من تانى وقالت لى انت الحياة
شوفت فيك عمرى وزمانى وقلبى سحرك غواه
أتمنيت أسقيك حنانى وأشرب من قلبك هواه
خوفت يكون قلبى بيحلم بقلب ينسيه الجروح
ولما يوم قابل عنيكى بنى من الوهم صروح
ضحكة عدت ومش هترجع شافها غيرك وغيرك
ليه يا قلبى فى يوم تتوجع وتعيش فى الألم سنينك
شوفت الدموع نازلة تجرى على الخدود زى السيول
واترسمت فى عنيكى نظرة بحبك تبوح وتقول
ازاى تشبهنى بغيرى وانا السهد منى بينول
ده أنا فى حبك عشت ليالى وفى هواك ليلى يطول
أتأكد فى يومها قلبى انه لقى اللى اتمناه
قلب يصون هواه وحبه ويعيش معاه أحلى حياة
No comments:
Post a Comment